ARCTIC NORTH Geassekonferánsa 22-26.7.2015

VIDEO

Arctic North Geassekonferánsa 22-26.7.2015 Lákšjogas, Deanus

Visjona:

Mii oskut, ahte mii eallit dakkár áiggis, goas Ipmila Vuoiŋŋa earenoamážit duddjo Davviguovlluin. Áigi lea boahtán, ahte madda- ja davviguovllut čužžot ovddas Ipmila bargguin. Ulbmilin dán konferánssas lea čájehit geainnu Ealli Ipmila lusa ja ovdanbuktit Su fámu.

Jes 43:5-7

Ale bala, munhan lean duinna. Mun vieččan du náli nuortan ja čohkken din oarjin. Davvái mun cealkkán: Atte daid munnje! ja lullái: Ale doalat daid alccesat! Buvtte mu bártniid guhkkin, mu nieiddaid eatnama ravddas, buohkaid geat namahuvvojit mu namain, buohkaid geaid mun lean sivdnidan, dahkan ja hábmen iežan gudnin.

Ps. 85:11-14

Árbmu ja duohtavuohta gávnnadeaba, vanhurskkisvuohta ja ráfi cummástallaba. Oskkáldasvuohta šaddá eatnamis, vanhurskkisvuohta geahččá vuolás almmis. Hearrá ieš addá buot buriid, ja min eanan addá šattus. Vanhurskkisvuohta manná su ovddas ja dahká geainnu su lávkkiide..

Prográmma (Norgga áigge):

Ga 22.7 d. 18 Rahpan čoakkalmas

Du 23.7 d. 12 Čoakkalmas, d. 18 Eahket čoakkalmas

Be 24.7 d. 12 Čoakkalmas, d. 18 Eahket čoakkalmas, d. 21 Konsearta

Lá 25.7 d. 12-14.30 Čoakkalmas, d. 17 Sámi Álgoálbmot Risttalaš Guovddáža searvegotti rahpan

So 26.7 d. 11 Loahpahan čoakkalmas

Konferánsabáiki:

Konferánsa lágiduvvo tealttás, Lákšjogas, Deanu gielddas. Lákšjohka lea E6 luodda guoras gaskal Kárášjoga ja Deanušaldi, sullii 38 km máttabeal Deanušaldi, ja sullii 145 km Kárášjogas. Lagamus girdinšillju lea Čáhcesullos, gosa dušše Widerøe girdit seivot. SAS ja Norwegians girdit fas seivot Girkonjárgii, 170 km Lákšjogas eret. Dii 1530 lea vejolaš váldit busse Girkonjárggas (Høybuktmoen girdišillju) Deanušaldái. Busse lea Deanušaldis dii 1800. www.177finnmark.no Sáhttá minguin šiehtadit viežžat Deanušaldis.

Ijastallanvejolašvuođat: 

•Skuvllas dahje lávus, 100NOK/12e/idja, šiehtaduvvo minguin ovddalgihtii: laksjohka@gmail.com

•Ijastallan tealttás konferánsabáikkis, 70NOK/8€/idja/tealttá, šiehtaduvvo minguin ovddalgihtii: laksjohka@gmail.com

•   Barttat  Ohcejogas, 35km Lákšjogas, 4-6 olbmo, 125€/idja/barta, laksjohka@gmail.com

•   Camping Lapinkylä Ohcejogas, 30 km Lákšjogas, +358405591542

•   Hotealla Pohjantuli Ohcejogas, 35 km Lákšjogas, +358404169993

•   Storfossen Camping, 7 km Lákšjogas, +4778928811,

•   Elva Hotel og Camping Deanus, 38km Lákšjogas, +4778928222.

Konferánsa lea buohkaide nuvttá. Mánáide ja nuoraide lágiduvvo sierra prográmma. Oaffar váldojuvvo konferánsagoluide. Mii guossohat buot biepmu konferánsabáikkis.

Buresboahtin Lákšjohkii!