Sámi Álgoálbmot Risttalaš Guovddáš / Sami Indigenous Christian Center

Davviguovlluid Risttalaš Konfereansa, 23-27.7.2014,
Lákšjohka, Deatnu, Norga
Buresboahtin buohkaide!

Eambbo dieđuid dás (klikk)

Davviguovlluid Risttalaš konfereanssa višuvdna davviguovlluid álbmogiidda, 23-27.7.2014

Konfereanssa lágidettiin lea min osku ahte Ipmil movttiidahttá min vuoruhit davviguovlluid. Mii háliidat dáinna konfereanssain čalmmustahttit ahte mis lea oktasaš áigumuš davviguovlluid morránahttit. Min osku lea ahte Ipmil čohkke min dáppe Sámis ja ahte mii oainnedettiin Ipmila boahtit su ovdii oskkuin ja vuollegašvuođain nubbái.

Mii háliidat nannet ahte mii ovttas sáhttet searvat dáidda nuppástusaide ja ođasmahttimiidda maid Ipmil ieš čađaha dáppe davvin.

Hearrá ieš lea guhte dál čohkke iežas álbmoga fievrridan dihtii sin rivttes guvlui. Konfereanssa lágidettiin lea mis soabadančoahkalmas gaskal iešguđege čearddalaš joavkkuid. Mii háliidat máidnolávlagiin ovttas máidnut Ipmila, juohkehaš iežas láhkásis, gielainis kultuvrrainis ja iešvuođainis. Min dáhttu lea maid nannet guđetguoibmámet vai fievrridivččiimet álbmogii evangeliuma Jesusa birra.

Konfereansa lágiduvvo tealttás, Lákšjogas, Deanu gielddas. Lákšjohka lea E6 luodda guoras gaskal Kárášjoga ja Deanušaldi, sullii 38 km máttabeal Deanušaldi, ja sullii 145 km Kárášjogas. Lagamus girdišillju lea Čáhcesullos, gosa dušše Widerøe girdit seivot. SAS ja Norwegians girdit fas seivot Girkonjárgii, 170 km Lákšjogas eret. Dii 1530 lea vejolaš váldit busse Girkonjárggas (Høybuktmoen girdišillju) Deanušaldái. Busse lea Deanušaldis dii 1800. www.177finnmark.no Sáhttá minguin šiehtadit viežžat Deanušaldis.

Gávdnojit máŋga ijastallanvejolašvuođa:  

• Elva Hotell og Camping, Deanušaldis. +4778928222, 38 km Lákšjogas 
• Storfossen Camping, +4778928811, 7 km Lákšjogas (10 % haddevuoládus konfereansa oasseváldiide)
• Camping Lapinkylä, Ohcejogas, +358405591542, www.arctictravel.fi, 30 km Lákšjogas, (10 % haddevuoládus konfereansa oasseváldiide) 
• Hotell Luossajohka Ohcejogas, +358163212100, 30 km Lákšjogas
• Hotell Pohjantuli Ohcejogas, +358 404169993, 35 km Lákšjogas
• Sirpmá skuvla ja gilidállu, sullii 10 km Lákšjogas. 80 NOK / idja, šiehtaduvvo minguin 
• Lávvu konfereansabáikkis. 80 NOK / idja, šiehtaduvvo minguin
• Tealttábáiki konfereansabáikkis, 50 NOK / idja

Konfereansa golut: 500 NOK (máksu ovdal 15.6: 400 NOK). Bankukontonummir: DNB NO44 1503 4779 446, BIC: DNBANOKKXXX Sámi Álgoálbmot Risttalaš Guovddáš. Mánáide konfereansa lea nuvttá. Mii guossohat buot biepmu konfereansabáikkis.

Min visjona
Min visjona lea ovddidit sámi risttalaš identitehtta. Mii hálidit ahte min giella galgá gullot ja geavahuvvot searvegodde olis. Mii hálidit geavahit min árbevirolaš lávlun- ja juoiganvuogi min čoahkkalmasaiguin ja dahkat ođđa lávlagiid.

Ulbmil
Min ulbmil lea oahpahit misjonbarggiid bargat gaskal sámi- ja eará davvi álgoálbmot joavkkuiguin. Mii hálidit doallat álgoálbmotkonferanssaid ja máidnunkonsertaid.

Min bargu
Rohkos, čoahkkalmasat, oahpahus, máidnun ja johtit misjonbargguin davvi álgoálbmogiid gaskkas. Mii leat huksemin álgoálbmot misjonguovddáža ja mánáid ja nuoraid leairabáikki Lakšjohkii. Guovddážis sáhtá maid dollojuvvot kurssaid, konferanssaid ja eará deaivadeapmit sihke geasseleairat mánáid ja nuoraide.

Eambbo dieđuid:
Váldde oktavuođa, jos dus lea miella ovttasbargat minguin dahje jos hálidat omd. veahkehit geassekonfereansa lágideamis. Eambbo dieđuid: laksjohka@gmail.com